ბრენდირებული მიკროავტობუსი ზესტაფონის თეატრს — ZESTAFONI.GE
Close [X]
Facebook:
ZESTAFONI.GE

ZESTAFONI.GE



ბრენდირებული მიკროავტობუსი ზესტაფონის თეატრს

date 17 ოქტომბერი 2022
article757.jpg


  თბილისსა და რეგიონებში არსებულ თეატრებს კულტურის სამინისტრომ ახალი მიკროავტობუსები გადასცა.
საქართველოს კულტურის, სპორტისა და ახალგაზრდობის სამინისტრომ თეატრებში ტრანსპორტის პრობლემაზე მუშაობა ჯერ კიდევ 2021 წლიდან დაიწყო. შედეგად, სამინისტროს მმართველობის სფეროში მოქმედ 10 თეატრს ახალი მიკროავტობუსები გადაეცა. თითოეული ავტობუსი თეატრთა ცალკეული სიმბოლოებით გაფორმდა. საზეიმო ღონისძიებას კულტურის, სპორტისა და ახალგაზრდობის მინისტრი, თეატრების სამხატვრო ხელმძღვანელები და წარმომადგენლები ესწრებოდნენ. თეა წულუკიანმა თავად გადასცა თეატრების სამხატვრო ხელმძღვანელებს საჩუქარი და მათ წარმატებული გასტროლები და შემოქმედებითი საქმიანობა უსურვა.
უკვე მრავალი წელია, საქართველოში მოქმედი თეატრების სატრანსპორტო ინფრასტრუქტურა არ განახლებულა და ისინი ჯერ კიდევ საბჭოთა კავშირის დროს შეძენილ ავტომანქანებს (ე.წ. ყუბანი) ფლობენ. თეა წულუკიანის ინიციატივით, თეატრების ანგარიშზე არსებული ტრანსპორტის განახლება დაიწყო და ამ ეტაპზე, თბილისის 3 და რეგიონულ 7 თეატრს უახლესი მიკროავტობუსები გადაეცა.
კულტურის სამინისტრომ ათი მიკროავტობუსის შესყიდვაზე ტენდერი 2022 წლის 25 თებერვალს გამოაცხადა, რომელშიც გაიმარჯვა კომპანია შპს „სენამოტორსმა” და მასთან 2022 წლის 8 აპრილს ხელშეკრულება გაფორმდა. მიკროავტობუსების შესყიდვის თანხა 1 061 480 ლარს შეადგენს.
  განახლებული ავტომანქანები დაეხმარება საქართველოში არსებულ თეატრთა დასებს გადაადგილებასა და რეკვიზიტების გადატანაში. აგრეთვე, საშუალებას მისცემს მათ, იმოგზაურონ ქვეყნის სხვადასხვა კუთხეში, წარმოაჩინონ თავიანთი შემოქმედება და გახადონ თეატრი საყოველთაო.